IÑAKI LEJARRETA

Iñaki Lejarretari omenaldia da IÑAKIREN BIDEAK. Modu batera edo bestera, Iñaki Lejarretari lotuta gaude, baina benetan danok lotu gaituena mendiko bizikletarekiko zaletasuna da. Era berezian gogorarazi nahi izan dugu: pedalei eraginez eta naturarekiko harremanaz gozatuz.

Proiektu hau gure mendietatik igarotzean itzala uzteko jaio da. 2019ko abuztuaren 31 eta irailaren 1ean denok eragingo diegu pedalei Iñakirekin batera, 7. edizio honetan, gure geografiako puntu desberdinak bateratuz. Herri eta probintzia desberdinetatik igaro eta Euskal Herriari bira emango dion ibilbidea osatuko dugu mendiko bizikletaz.

Etapaz eta errelebuz egingo dugu. Iñakiren bideak hasiera eta bukaera Berrizen izango du, bere jaioterrian. Hau da aukeratutako ibilbidea: Urkiola, Izki, Urbasa, Bidasoa, Gipuzkoako kosta, Oiz eta Berriz... Protagonistak: familiartekoak, lagunak, eta mendiko bizikletazaleak.

Iñakiren bideak gogoan ditu errepidean bizitza galdu duten txirrindulari guztiak. Horregatik, txirrindularia errespetatu eta 1.5 metroko segurtasun tartea gordetzeko eta errepidean guztiontzako espazioa zaintzeko eskatzen dugu.1.50m
Iñaki Lejarreta
Pedaleri eragiten diogun bakoitzean, aurrera egiten dugu pauso bat.

Ilusioz beteriko ibilbide bat. Betiko itzala.

Eskerrik asko, Iñaki!